جدة – الوعي الشبابي:

بِسْم الله أبدا قـاف شـعري واغني

ياقف معي قافي على خرص ظني

وأنا مـعـي خمسه وعشرين جني

أقراء على نفسي وفـُ اوقات يأتون

ابسرد الكم قـصة الشـيخ عباس

حافـظ كتـاب الله وامـفقه الناس

هذا ولـد عـمي ونـرفع به الـراس

ياما عليه الدمع يذرف من اعيون

ياشـيـخنا مرحـوم بالعـين نبكيك

ياطـيـب السـيره ويـازين طاريك

صـوتك بـقي يُِسـمع وهذا يكْفيك

مـقادمي هـذا اللـقب كان تدرون

من مـسقطـه يـبدا شـريط البدايه

امـن الـنسب والاصل حتى النهايه

اخـوال خـيـر الخلق حسب الروايه

صـلـوا عـليه وسلـموا كان توحون

والـشعر ديوان الـعـرب يالمطانيخ

يُـعرف به الماضي وسـرد التواريخ

فيه الرثاء والـمـدح واحـيان توبيخ

وفـيه الـغـزل والوصف ياما تعدون

يسرح بي الهاجوس وأسّبح بالافكار

وياخذني التفكـير في نظم الاشعار

واعبـر بـها بـر الـوسـيعه والابـحار

واهل الـشعـر في كل وادي يهيمون

تـنـاقل اهـل الركب صدق الروايات

قـصة قـديمه سـجلـت بـالسجـلات

محـمد أبن احـمـد رحـل ياذويبات

قـاد الـمطيه والتحق خلف مظعون

ودع ربـوعـه والأهـل والـجـمـاعـه

وأقـام بـالـطـائـف بـعـز وشـجـاعـه

يوم أنْ كل (ن) نـجددته مـن ذراعـه

وقت الـمهـمات الصعيبة يـسـدون

ومـشت به الايـام والـعـمر مـحـدود

هذي الـحياه ولا على الوقت منقود

أخـرّ وجاب احـفـاد والـجد معـدود

أجيال عقب أجيال ترحل ويشـدون  

واستوطنوا مـكه وصـار اللقب صـار

واصبـح لـهم شُهـره وسـمعة وتذكار

الـجـد ثـابـت واللـقـب رمـز الأحـرار

هـذا كلام الـصـدق والـعلم مضمون

وكان الـتـواصل صعب مافيه جوال

وقـلةّ مـواتــر بـيـن رِجـلي وخـيـال

وقـسـاوة الارزاق والـضنـك بـالحال

تـصـعب على اللي بـالزياره يروحون

ما بـيـن حـبل الـوصل والا انقطاعه

سـمـعوا تـلاوة شــيـخـنا بـالاذاعـه

واسـتبشـروا ربـعـه بـحـب وقـناعه

قـالـوا ولـدنا في الروادي يـسـمون

الـف وثـلاثمـئـه وواحـد وسـبـعـين

في غـرة مـحرم وعن الـشـهر دارين

اول تــلاوة شــيخـنا يـالـمـذيـعين

يـشهد جبل هـنـدي وابليس ملعون

قاري بصوت اهل الحجاز الفصيحين

وحـافـظ ودارس في عـلـوم القوانين

وحـان الاجـل والـعمر تسعه وستين

مرحوم واهـل الـدين لـشيـخ يرثون

وهـذا نـهايــة   قـافي اللي كـتـبـته

والـمعـذره فـيـما نـسـيت وجـهـلته

واللي سـمـعـت من الـرواه وحفظته

عن شـيخنا عـباس والـقـول مرهون

الشاعر : عبدالعزيز بن عليان الذويبي

 

• النقود في التاريخ الإسلامي
• تعلم اللغة العربية عند أبناء ...
• "أبراج الكويت".. نحو قائمة التراث ...
• "القرقيعان".. حصاد الخيـر فـي شهر ...
• "بعدانية"